GoGo Blog

Миний тамхичин охин, миний хэрүүлч охин, миний хөлөн дээрээ үстэй охин би чамд хайртай

http://after.blog.gogo.mn — Thu, 28 Jan 2010 12:13:42 ULAT

Хүнийг байгаагаар нь хайрлах юутай сайхан.
Хайр дандаа кинон дээр гардаг шиг биш, хайр дандаа номон дээрээс уншдаг шиг биш. Хайр заримдаа ус гал 2-ын нэгдэл шиг,хайр заримдаа яг миний бодол шиг тэнэг, бас зэвүүн, ихэнхдээ халуухан байдаг. Яг энэ тухай дуулсан нэг сак дуу байна цаана чинь. Тэхдээ караокед биш.

Опозитийн Хөөрхөн өгзөг гэдэг дуу. Энэ дууг чихэвчээрээ сонсоод суухнээ залуу зандан нас шууд санаанд буужийна. Энэ дуу тэр чигээрээ эхнэр бид 2-ийн түүхтэй тун адилхан.
Анх тэр өөр залуутай үерхдэг байлаа. Тэр 2 гадуур зугаалж байна. Би хажуугаар нь зөрөхдөө “-ямар хөөрхөн охин бэ” гээл бодоол, тэгтэл ирээдүйн эхнэр минь бас надруу хараастай, хальт хандраастай. Тэгтэл энэ дуун дээр яг тэрийг үеийг ингэж дүрсэлж:

“Чи минь өөр залуутай өвөр халуунтай
Хажуугаар нь зөрнө харц чинь харин надруу налуутай” гэх мэтээр.

Бас би эхнэртэйгээ дотносохоос өмнө түүний нэг найзтай уулзаж учирдаг байлаа. Гэтэл ирээдүйн эхнэрээс маань болж тэр бид 2 салсын. Тэгээд ч эхнэр маань тэрэнтэй бяцхан дайн зарлаад. Тэр үйл явдал бас энэ дуун дээр иймэрхүү байдлаар байна:

“Би чамд хайртай бас найзад чинь
Муу залуугаас болж чи минь найзтайгаа дайн зарлана”

Эхнэр бид хоёр дандаа таарамжтай байдаг гэвэл худлаа. Муудах сайдах юм зөндөө. Гал шиг дүрэлзэж муудалцана, бас гал шиг дүрэлзэж хайрлалцана кк. Үүнийг бас ингэж дуулжийна:

“Түүнээс болж уурлана бас баярлана
Үргэлж эрх чөлөө хүсдэг ч өөр эрчүүдээс хармална...
... Чамтай байхад 99н хувийн тэвчээр
Гэвч би мэднэ намайг мөнгөөр хэмжээгүй хэзээч
Хэмжээ хязгааргүй маргаан, Тэвчээргүй зан
Хэд хоногоор ч хамаагүй хол байхад хүргэнэ. Гэхдээ санана”

Бас энэ дуун дээр нэг хардкор хэсэг байна. Гэхдээ л лайтай. Утгыг нь ойлгожаагааздээ.

“-Чамруу гэсэн сэтгэлээ дуундаа нэг бадаг бичий
Гэмгүй алаг нүд царайлчаад oрон дотроо садар гичий”

Бас төгсгөл хэсэгт нь хамгийн саак мөртүүд нь байна. Тэр хэсэгт бол шууд миний бодлыг хүүрнэн өгүүлжийнэ:

“Нийлэх гэж дэндүү хол зам туулсан
Өнгөрсөн би тэнэг байсан бүгдийд шинээр эхлэх цаг болсон
Хойшид чи. Өөр ямар ч хошин гичий байхгүй
Чамгүйгээр сохорсонтой адил залах чиг байхгүй
Алдуул алдана л биз би сонголтоо хийсэн
Гантулгын амьдралд чи орж ирсэнээс хойш под хийсэн”

Энэ дууны хамгийн төгсгөлд нь саак үг хэлжийнэ.” Миний тамхичин охин, Миний хэрүүлч охин Би чамд хайртай” нтр гээл. Энэ үгийг сонсонгуут зарим дурсамжууд шууд бууж бна. Жишээлүүл: бид 2 анх уулздаг байхдаа буудалдаал орондоо 2-уул тамхи татаж хэвтэж нтр. Орны хажууд хэрэглээд хаясан пиавны шил, бэлэн хоолны сав бас бус юм нтр. Орноосоо ч босолгүй 48 цаг нялуурч, бас халуурч нтр. Яг тэр үе санаанд зурсхийгээл. Одоо бол яахав энэ үеэсээ шал өөр. Хүүхдээ эрхлүүлсэн налайсан аав ээж 2. Угаасаа амьдралд туулах ёстой гал халуун өдрүүд бас намуун тайван өдрүүд гэж байх ёстой. Тэгэх тусмаа л амьдрал өөрөө саак юм бишүү.

Ер нь бо энэ лайтай дуу байна шүү. Таанууд бас татаж аваад сонсоорой. Би линкийг нь тавьчихая. Шууд ЭНЭ дээр дараад тат. Бас ЭНД дарж ЮТҮБ дээрээс үз.

Хайрын дуу гэхээрээ заавал цэцэг навч дуулах ёстой биш. Өвөрмөц бас саак. Угаасаа би Опозит сонсдог дүхүү.

Хуйвалдааны онолоор синдромдохуй

http://after.blog.gogo.mn — Tue, 26 Jan 2010 15:58:09 ULAT

Чиний эргэн тойрны бүх зүйлс худлаа, хуурамч, одоо өрнөж буй болон өнгөрч одсон бүх үйл явдал эхнээсээ л төлөвлөгдсөн байсан. Чиний амьдарч байгаа нийгэм хүртэл зүгээр л хуйвалдаан. Гэтэл чи гэж нэг гэнэн цагаан амьтан өөртөө зөндөө их мөрөөдөл, зорилго өвөртөлчихөөд сураад, ажилаад л байдаг. Бас ИРЭЭДҮЙ гэдэг зүгрүү ИТГЭЛ гэдэг хийсвэрлэл тээсээр, болж бүтэх бүхэнд баярласаар, болохгүй бүтэхгүй зүйлд нь бухимдаж амьдарсаар л...

Хоног өдрүүд чамаар зүгээр л тоглож байгааг мэдэх үү. Тархийг чинь угаах түм буман мэдээллийн хэрэгслүүд чамайг аалзны торонд баригдсан ганц ялаа шиг болгож байгааг мэдэх үү. Чамайг бодож сэтгэхгүй байх тусам, чамайг зомби болох тусам хэн нэгэнд ашигтай. Бүүр маш их ашигтай.

2012 онд дэлхий сөнөнө. Энийг НАСА аль хэдийн мэдчихсэн. Тэхдээ нуучихсан. Гэтэл чи мэдээгүй, харин 2013 онд худалдаж авах байшингаа мөрөөдөөл явж байгаа.

1964 онд Америкад харь гаргийн хөлөг сүйрсэн. Даанч хар хувцастай хүмүүс ирээд үзсэн харсан хүмүүсийнх ой ухааныг арччихсан. Үүнийг FBI мэдэж байгаа. Гэтэл чи л бас мэдээгүйдээ харь гариг гэж байхгүй тэр бол кино гээл явж байгаа.

Элвис Пресли, Майкл Жексон аль аль нь үхээгүй. Тэд зүгээр л алдар хүндээс залхсан. Үүнийг дэлхийн том шоу менежерүүд мэдэж л байгаа. Харин чи үүнийг мэдээгүй болохоор тэдний араас харамсаж, бас СД-ийг нь худалдаж авсан.

2001 оны 9 сарын 11. Энэ өдөр хоёр өндөр цамхагруу лалынхан биш америкчууд өөрсдөө довтолсон. Бурууг нь аль хэдийн үхчихсэн Осамаруу чихсэн. Дайн хийх далим гаргах нь АНУ-ийн эдийн засагт ашигтай байсан болохоор л тэр. Үүнийг Масончууд мэдэж байгаа. Харин чи мэдээгүйдээ террористуудыг үзэн яддаг.

Дэлхийн эдийн засаг хямраагүй. Энэ бол зүгээр л дэлхийн олигархуудын ээлжит тоглоом. Тэд бизнесээ хумих сонирхолтой байгаа. Харин чи үүнийг мэдээгүй болохоороо мөнгөний биш сэтгэцийн хямралд орсон.

Сонгууль бол шоу. Хэн гарч ирэх нь хэдэн жилийн өмнөөс төлөвлөгдсөн байдаг. Зүгээр л тэд тархийг чинь угаах зорилгоор ээлжит сурталчилгаануудаа явуулдаг. Үүнийг намын томчууд мэдэж л байгаа. Харин чи мэдээгүйдээ хэн нэгнийг дэмжиж бас муулж, сайн найзтайгаа хүртэл намаас болж хэрэлдсэн.

Монгол улс ядуу байгаа нь зарим хүмүүст ашигтай. Ядуу хүмүүсийн тархийг угаах амархан, бас ходоодоор нь сэтгүүлэх ч амархан. Ийм байлгахын тулд тэд олон жилийн турш мэрийж ирсэн. Тэднийг гадаад түншүүд нь мэдэж л байгаа. Харин чи үүнийг мэдээгүйдээ өнөөдрөө золиослон байж маргаашын төлөө хөдөлмөрлөдөг.

Эрх чөлөө, эдийн засаг, мөнгө төгрөг, хууль эрх зүй, шинжлэх ухаан, шашин, соёл, түүх бүгд худал. Тэд бол чамаас илүү ухаантай хүний зохиосон үлгэр. Тэд дүрмийг зохиосон. Чамаар л харин мөрдүүлдэг. ЧИ ҮҮНИЙГ Л ГАНЦХАН МЭДЭЭГҮЙДЭЭ ДЭЛХИЙН ҮР, БАЙГАЛИЙН БИЕТ ГЭДГЭЭ МАРТЧИХСАН.

Тухайн үеийн нөхцөл байдал

http://after.blog.gogo.mn — Wed, 13 Jan 2010 14:05:50 ULAT

За сайн байцгаана уу. Би амьд байгаа шүү. Кк. Завгүй шахуу өдрүүд үргэлжилсээр. Завгүй шахуу ч гэлтгүй бараг ямар ч завгүй. Эрх биш хүн болохоор унтах, идэх зав бол гаргахын. Бусад зав бол хэцүүхэн л байна. Гэхдээ тархинд бол зав бас байх шиг байнаа. Зүгээр сууж байхад есөн жорийн юм бодогдох юм.

Би бодлоо л доо. Хувь хүний төрлөх зан араншин ямар ч байлаа гэсэн тэрнээс илүүтэйгээр “тухайн үеийн нөхцөл байдал” гэдэг хүчин зүйл хүний амьдралд илүү хүчтэй нөлөөлдөг юм болов уу гэсэн бодол тархинд эргэлдэх юм.

Жишээлбэл миний өсөж төрсөн хүмүүжилд би хэзээ ч гараараа хоол идэж байгаагүй. Аа гэхдээ хөдөө гадаа судалгааны ажилаар явж байхдаа. Тэр халбага сэрээ бол ёстой яршигл байна. Хөдөө явж байж орчин нөхцөлөө мэдрэхгүй “-надаа сэрээ” гээд тэнэгтээд байвал яах уу кк. Германчууд, Оросууд, Хятадууд, Америкчуудтай судалгаанд явж байлаа. Тэд нар ч бас ялгаагүй л юм билээ. Уг нь Герман соёл гэж сүрхий юм байдаг биздээ. Гэтэл Монголын хээр хөдөөд бол тэр “дойч соёл” нтр ёстой падлий ч байхгүйдээ харин ч нэг.

Хүнтэй хэрэлдэж зодолдох уг нь дэмий л дээ. Буруу л зүйл байх. Гэхдээ яах аргагүй нэг сонин баагий нүүрэн дундуур цохиод авбал би лав ийсүс царайлаад нөгөө хацраа тавьж өгж тэнэгтэхгүй. Харин нүдний шилээ авч кармаандаа тайван гэгч нь хийж байгаад ганц сайн мөргөнө дөө. Кк. Гэх мэт.

Цэрэгт оччихоод би чинь эрх энхрий амьтан. Өлсөж болохгүй, даарч бас болохгүй, ядарч болохгүй гээд маяглаад байвал цаадуулдаа алуулдын байгааздээ. Кк. Гэх мэт зөндөө олон жишээнүүд байнаа байна.

Би уг нь ийм хүн гэвч даанч тухайн үеийн нөхцөл байдал тийм байлаа. Одоо яаая гэхэв. ккк. Нэг бодлын өөрийнхөө буруу үйлдлийг өмөөрч хамгаалж, шалтагсаж байгаа зан ч юм шиг. Гэхдээ хэн мэдлээ. Хорвоо дэлхий угаасаа л ийм. Ийм болохоор ингэж л амьдарна.
Тийм бол тэгж л амьдарна. Нөгөө сохрын газар сохор, доголонгийн газар доголон болж явнаа гэдэг л энэ байх даа.

3 төгрөг, 4 төгрөг, бас 100 сая доллар

http://after.blog.gogo.mn — Sat, 19 Dec 2009 10:55:25 ULAT

Эмээг залуу байхад юм гэнэ лээ. Эмээ нэг удаа 4 төгрөгний өрөнд орж л дээ.Тэгээд өрөө төлөх гэтэл бэлэн мөнгөгүйгээс болж оронд нь 1 ямаа өгч байсан гэсэн. Тэр үед ямааны ханш 4 төгрөг хавьцаа байсан юм байхдаа.

Аав дөнгөж сургуулиа төгсөж ирээд хотод таних айлгүй, идэх ч хоолгүй гудамжаар алхаж яваад 3 төгрөг олж байсан гэсэн. Тэгээд ёстой тансаглаж өгсөн гэсэн дээ. Тэр үеийн 3 төгрөг одооны хэдэн төгрөгтэй тэнцэх юм бол?

Дүү бид нарыг бага байхад ээж бутархай зоосон мөнгүүдийг цуглуулж чихэр шиг болгож боогоод орхиод явдаг байсансан. Чихэр шиг боодол бүр нь нэг зайрмагний үнэ байсан гэсэн. Худалдагч эгчид өгөхөд өөдөөс яг нэг зайрмаг өгдөг байсан юм. Тэр үед зайрмаг яг хэдэн төгрөг байсан, бас ээж яг хэдэн төгрөг эсвэл мөнгө үлдээдэг байсныг санадаггүй ээ.

90 онд юмдаг. Би автобусаар хичээлдээ явж байлаа. Тэгтэл хажууд сууж байсан ах эгч 2 автобусны мөнгөө төлсөнгүй гээд кондуктор эгчид загнуулаад хөөгдөж бууж байж билээ. Тэр үед автобусанд том хүн 1 төгрөгөөр явдаг байсан санагдаж байна.

Би нэг удаа сургууль дээрээ сахилгагүйтэж байгаад цонх хагалаад 50 төгрөгний өрөнд орж билээ. Миний хувьд том цохилт болсон. Яаж ээж аавд хэлнээ гэхээс яс хавтайж байлаа. Азаар ээж, аав нэг их загнаагүй юмдаг.

5 төгрөг барьж очоод дэлгүүрээс 2 талх авчихдаг байлаа. Энэ бол 92 он.

Одооны Сөүл хуучнаар бол Туяа рестораны хоолны үнийг хараад ухаан алдах шахаж билээ. Тэнд нэг хоол 200 гаран төгрөг байсан. Уг нь тэр үед 6, 7 төгрөгөөр нэг хуушуур авч иддэг байсан юм.

Оюутан боллоо. 1-р курсдээ халаасандаа 500 төгрөгтэй явж байвал ангийнхаа “бурзгар” нь болдог байлаа. Харин 4-р курсдээ хонхны баярынхаа нийллэгэнд 100 000 төгрөг гаргаж байсан. Тухайн үедээ их мөнгөөр нийллээ гэж шүүмжлүүлж байсан юм.

2003 он. Би төрийн албанд ТҮ9 зэрэглэлээр цалинждаг байлаа. Цалин маань 43600 төгрөг байв. Гэхдээ бааранд ороод Боргиог 700 төгрөгөөр уучихдаг байсан юм. Гацуурхан ороод 450 төгрөгөөр хагас гуляш, 300 –гаар хагас шөл аваад идчихнэ. Нэг ёсондоо 750 төгрөгөнд 1, 2-р хоол идчихэж байгаа юм. Харин гэрлүүгээ бол алхчихна.

Ажил өөрчлөгдөж цалин нэмэгдэв. Энэ үед би эмээгийн ханшаар бол 150 мянган ямаа, аавын ханшаар бол 200 мянган өдөр тансаглах мөнгийг зөвхөн 1 сарын цалингаараа авдаг боллоо. Гэвч надад чамлалттай санагдаж байсныг нуух юун. Учир нь энэ үед толгойд эхнэртэй болох бодол эргэлдэж байлаа. Тэр үеээс би мөнгийг хэрхэн ахиухан олох талаар бодож эхэлсэн юм.

9-ийн тос, 24-ийн чихэрийн үнэ 4 оронтой тоогоор хэмжигдэж, урд нь анзаардаггүй байсан газрын төлөө хүмүүс нэгийгээ луйвардаж, үнэгүй хувьчилж байсан орон сууцаа ч хүртэл барьцаат зээлээр авдаг болжээ. Хэн нэгэн хүн 100-хан төгрөгний төлөө гутал тослож байхад өөр нэг хүн 100 сая төгрөгөөр мөрийтэй тоглоол. Монгол улс уул уурхайн гэрээний урьдчилгаа 100 сая долларын төлөө толгойгоо гашилгаж байхад, Харри Поттер кино гарсан өдөртөө л 100 сая долларын орлого хийгээл. Хэмжиж боломгүй хэмжээнүүд. Энэ бол 2009 он.

Би энэ бичлэгийг 2 сарын өмнө бичсэн юм. Ориг вээрс нь ЭНД дарвал байгаа

Манай хүрээлэлийнхэн наашаагаа... Хэдүүлээ бусдыгаа ялгаварлан гадуурхацгаая :P

http://after.blog.gogo.mn — Thu, 17 Dec 2009 15:58:39 ULAT

(Ляляляля дуу аялсаар орж ирэв)

За тэрч яахуу. Нэг мэдсэн блогоо хаагаад бараг 4, 5 сар болчихож. хэхэ. Хаасан шалтгаан нь бол их энгийн. Аав миний блогийг мэдчихээд уншаад байсын. хаха.
Тэгсэн би блог дээрээ аавын тухай яджаахад бичцэнийг ч хэлэх үү. хихихи. Баларсан юм болсоо. За энэ ч бас яахуу.

Ингэхэд таанууд яагаад хэрэлдээд байнаа. Гөгө блог хүрээлэл үүсгэнэ үү болино уу хэнд хамаатай айн. Хүрээлэл бол яахуу дээ найз нөхдийн хүрээлэл байхгүй юу. Тэгэхээр одоо найзууд хоорондоо маазарч, арзагананах ч эрхгүй болжээ дээ янз нь.

Сайн бичсэн бол шинэ хуучин гэхгүйгээр л уншдыншд. Жишээ татуул тэр ААНХАА гээд блогчин бна. Маш богино хугацаанд олны танил болоод ИХ УНШИГДСАН гэсэн табад ороод ирчихсэн явж байгаа биз дээ. Хэн ч ялгаврлан гадуурхаагүй.

Эцсийн эцэст байна ш дээ тэр найз нөхдийн хүрээлэлд орж чадаж байгаа бол тэр хүний нийгэмшлийн индекс гайгүй үзүүлэлттэй гэсэн үг ш дээ хө.

За тэхээр шинэ хуучин гэлтгүй. Иймээ тиймээ гэлтгүй нэг нэгнээ сайхан сайхан уншаа уншаа явчихая.

За жаахан сонин сэдэлтэй юм биччихлээ. Миний хувьд ийм л юм бичиж байж их уншигдсан ТАБ руу орох ганц л арга байна. хихи. Тэрнээс биш нэх хэрүүл уруул хийгээд, хэнхэглэж мэнхэглээд блогчдийн дүрэм горим тогтоох гээд явдаг хүн биш л дээ. За тэгээд шинэ жилээ ярьцгаах уу эсвэл шинэ жилээ ялгаварлан гадуурхах уу аан хэхэ.

За ямартай ч та нартайгаа энэ блогоороо уулзахад таатай байна. Аав эргээд ороод ирчихгүй бол блогоо хаахгүй ээ :P

Бэр гуйх ёсон ба Бороогийн бэр гуйсан түүхээс...

http://after.blog.gogo.mn — Tue, 18 Aug 2009 12:08:00 ULAST

Зээ хө. Өдрийн сайныг өнжин хүлээж сарын сайныг саатан хүлээж, өнөөдрийн энэ өдрийг өлзийтэй юм гэж сонгоод өнөө муу хоёр хүүхдээ нийлүүлюу гэсиймаа хөө. За бэр гуйжийна шүү. Ойлгож байгаа биз дээ.

Монголд нэг сайхан ёс заншил байнаа. Тэр нь “бэр гуйх ёсон” гэж. Наагуураа бол найр наадмын нэг хэлбэр мэт боловч цаагуураа бол их утга учиртай эд юмсанж. Утга учир нь юу гэвэл эмэгтэй хүнийг, тэр тусмаа эхнэр ээж болох гэж байгаа хүнийг хүндэтгэн үзэж, ёс төр хийж, эрэгтэйн талаас өндөр ач холбогдол өгч буйн илрэл гэж байгаа. Харин нөгөө талаасаа бол гуйлгаж, гувшуулж байж ирсэн эмэгтэй хүн чинь бас тэр эрэгтэйн талынхаа гуйж авч ирсэн хүндлэлийг дааж явах хариуцлагыг өөртөө авч байгаа юм. Ер нь бол аль аль талаасаа их чухал утга учиртай ёс заншил ажээ.

Би ч бас Монгол ёс заншилаа дагаад эхнэр авахаасаа өмнө бэр гуйсаан гуйсан. Манай талаас гурван хүн очиж байгаа юм. Аав, аавын том ах, ээжийн том ах гурав. Тэр гурав уг нь урд орой нь аймар бэлдсийн. Дундаа нэг зуу тавьж байгаал хоорондоо нэх сүрхий ажил ярьж байгаа хүмүүс шиг ярилцаал, чи үгээ хэл, би хадгаа өгөе, хэрвээ дуул гээд байвал чи дуулаарай гэх мэт бие биендээ даалгавар өгөөл. За тэгээд маргааш өдөр нь билэгтэй сайн цаг харж байгаа л очлоо. Тэгсэн яасан бөөн адал явдал. Эхлээд аавын том ах хадагаа гаргаж ирээл нөгөө бэлдсэн үгээ хэлэх гэсэн чинь тас мартаад наасс. Тэгээд яахав дээ кармаагаа ухаж ухаж нээх аймар үрчийсэн цаас гаргаж ирээл тэрийгээ харж уншсан гэж байгаа. За цаашаагаа бол архийг бол хадмын талаас шахна гэдгийг ч үзүүлж өгч байна гэнэ. Тэгсэн яасан манай талын гурав шахуулсаар байгаад яг яах гэж ирсэн зорилгоо мартаад наасан. Бүүр гарч ирэхгүй удаад байхаар нь би утасдаад юу болсон гэсэн чинь өөдөөс аав нэлээд гостуу хоолойгоор “- ай. Аав нь нээх оройтохгүй харина. Санаа зоволтгүй” гэж авдын. Би уурлаад” –юугсэн үг юм бэ, бэрээ гуйсан юмуу“ гэсэн чинь аав “ –юун бэр” гэж асуувал яахуу. Хаха. Ингээд манай энхийн элч нар Татаруудад хорлогдсон нь нэгэнт тодорхой болов. Элч нэгэнт бүтэлгүйтсэн тул миний бие тэсгэлгүй араас нь ороод орхилоо.

Тэгтэл хадмын талынхан хүргэн хүү өөрөө ороод ирлээ. Хүлээдэггүй хүргэнийг торгоноо гээл архи өгчийнэ. Би яахав бөөн уур. Муухай хялайж харж байгаад нөгөө архийг нь ёроолыг нь гартал хашраачаал. Ийш тийшээ харлаа. Манай гурван хүний хоёр нь тас. Нэг нь арайчүү суугаал байна. Суугаал байна. Ингэхэд ирээдүйн эхнэр болох хүн маань харагдадгүй. Тэгсэн тэдний талынханы ёсонд бэрээ нуудаг гэнээ. Тэгээд бэр гуйж байгаа хүмүүс нь олохгүй бол өгдөггүй юм байх. Би учрыг нь мэдэнгүүтээ аавыг сэрээгээл “ –аав аав одоо бэрээ хайя аа, аав аав” гээл сэгсэрч гарлаа. Аав гэнэт нүдээ нэх том нээгээл за бэрээ аваад явахуудаа гэсэн чинь хадмынхан олоод ав гэж байна. Хэдэн өрөөгөөр нь дамжиж хайгаад олдодгүй. Миний дотор ”за өнгөрчээ, ингээл эхнэр авч чаддагүйн байна” гэсэн бодол орж ирээл, уур, бухимдал, гомдол зэрэг төрөөд. Нээх сонин болоод явчдын. Гэтэл харилцаа холбоо хөгжинөө гэж сайхан юм байхын. Ирээдүйн эхнэр маань өөрөө мсж бичиж байна. “-хайраа би харанхуй өрөөнд байгаа шүү” гээл. Хэхэ. Шипи авсан хүн чинь яахуудээ аав дээр очоод чихэнд нь сэмээрхэн хэлээд тавьчлаа. Тэгсэн аав бас аягүй жүжигчээн. “-за олохгүй юм шиг байна. Юмыг яаж мэдэх үү сүүлийн ганц шаанс харанхуй өрөөнд нэг үзээдхэе” гээл очиж байгаамаа.

За тэгээл хавын харанхуй өрөөний хаалга юуг нь дэлгэтэл хамгийн гоё дээрээ тавьцан ирээдүйн эхнэр минь мишээгээл сууж байна шүү. Нэг сандал тавиад дээр нь суучижээ бас. Нээх хөөрхөөн. Олдож байгаа тэрхэн мөчийн зураглалыг хараад би бараг дахиад дурлаж байгаамдаа. Нэг мэдсэн миний хамаг уур, бухимдал аль хэдийн замхарчиж. Нэг л сайхан. Ингээл эхнэртэй болдым байжээ гээл баярлаж амжаагүй байтал ирээдүйн эхнэр маань нэг л бишээ. Яаж байна гэсэн чинь царай нь нэг л сонин хувхай цайгаал, бие нь хөлөрцөн. Биднүүс сандаралдаал. Яасан гэсэн чинь. Өөдөөс “- агаар дутагдаад” гэжийнэ. Аргагүйшд харанхуй өрөөнд хэчнээн ч цаг суусын. Харин яаж ухаан алдачаагүй юм. Тэгээл тэр оройдоо арайхийж гуйж авсан бэрээ бол газар дээр нь аваад явна биз дээ.

За бэр гуйсан түүх иймэрхүү. Аав маань бас саяхан дахиад бэр гуйсан. Дүү бас эхнэр авч байгаа юм. Харин аав овоо туршлагажсан сурагтай байналээ. Хоёр хүүдээ эхнэрийг нь гуйчихсан. Одоо харин ганц охиноо бол ёстой гурав хоног гуйлгуулж, гурван удаа буцааж байж өгнөө гэчихсэн суужийлээ. Хэхэ.

Жич: Бэр гуйхад ажиллагаанд тэр архиар шахаж согтоодог чинь бас учиртай гэнээ. Согтуу хүнээс л жинхэнэ төрх нь илэрийшд. Тэгхээр охиноо ер нь ямаршуу айлын бэр болгож байгаагаа ч мэдэх зорилготой гэнэ. Бас тэгж удаан ярилцаж, удам судраа хэлэлцэж суудаг нь наанадаж хувь хүний талаас нь мэдээлэл авах, цаанадаж цус ойртох гэх мэт аюулаас урьдчилан сэргийлж байгаа нь тэр юм гэнэлээ шүү.

Хөөрхөн төрсөн охидын вийзийг бөөн бөөнөөр нь гаргадаг байлаа

http://after.blog.gogo.mn — Thu, 6 Aug 2009 09:25:00 ULAST

Би нээрээ аягүй сонин хүүхэд байж билээ. Амархан дурладаг. Сайхан төрсөн нэгэнд салж ядан дурлана, аятайхан төрсөн нэгэнд нь анхны харцаар дурлана, даруухан төрсөн нэгэнд бол дасаж ирээл дурлана, санаа нийлсэн нэгэнд нь саваагүй зангаар дурлана гээл. Дурлаал, дурлуулаал, хаяал, хаягдаал. Амьдрал гэж ёстой бөөн адал явдал байлаа. Ямар сайндаа л ийм их шүлэг бичиж суухав дээ. Бараг бүх шүлэг маань залуу насны дурлалуудтай л холбоотой. За тэгээл дурлалууд маань ядаж байхад дандаа бүтэлгүй.

Нэг охинтой үерхдэг болоол хэсэг хугацаа өнгөрөв үү гүй юу нөгөө охин нь гадаадруу явахаар болчдог байсын. Нээх сонион. Тэгээл нөгөө охин нь гадаад яваал удаагүй байж байтал дахиал дурлаж байгаан. Тэгжийтэл тэр охин нь бас гадагшаа яваад өгч байгаан. Энэ байдлаар би гэдэг амьтан зөвхөн Монголдоо хичнээн удаа ганцаараа үлдэвдээ. Тэр битгий хэл нэг охинтой санамсаргүй нэр холбогдоход хүртэл тэр нь ч хүртэл гадаад яваад өгч байгаан. Аягүй сонин байгаа биз. Тэгээд энэ байдлаа найз нартаа хэлсэн чинь нөгөөдүүл намайг “вийз гаргагч” гээд хочилчихдог байгаа. Чи сонинд зар өгөөч гадагш нь охидыг гаргана гээл гэдийн. Хэхэ. За тэр вийз гаргах нь ч юу юм бэ.

Ямар ч л гэсэн энийг би хувь заяа гэж боддог болсон. Яагаад вэ гэвэл би эхнэртэйгээ суухаасаа өмнө анх уулзаж учирдаг байхдаа бас л гадаад яваад өгөх байх гээл сэмхэндээ айдаг байсын байхгүй юу. Бүүр асууж ч байсан. Чи ийш тийшээгээ явчихгүй биз гээл. Тэгсэн манай эхнэр. Хаашаа ч явахгүй, явах ч бодол төлөвлөгөө алга гэдэг байсын. Тэгээл бид хоёрын үерхэл нтр үргэлжилсээр байгаал эхнэр нөхөр, айл гэр, аав ээж болсондоо хө.

Хэрвээ тэр охидууд хэрвээ гадагшаа яваагүй байсан бол би өнөөдөр яаж ч яваам билээ. Ёстой хэлж мэдэхгүймдаа. Тэгээд би энийг яах аргагүй хувь заяа байсан байна гэж боддог болсымдаа. Заяаны ханьтайгаа учирах арай болоогүй байхад нь би гэж нэг гэнэн цайлган амьтан зүгээр ийш тийшээгээ үсчээд тэгээд бурхан сандрахдаа тэр охидуудыг нь яшиг зүгээр гадагш нь явуулчы гэдэг байсан байх. Хэхэ. Заяаны ханийн тухай бас нэг юм хэлэхэд хоорондоо адилхан гэдэг нь үнэн шүү. Манай аав ээж хоёр адилхан байсын. Би бас эхнэртэйгээ аягүй адилхан. Зарим хүмүүс биднийг ах дүү л гээд байдын хаха. За ах дүү нь ч юу юм. Ямарч гсн хайр дурлал бүтэлгүйтлээ нтр гээд шаналаад яваад байх хэрэггүй юм шиг байна лээ шүү. Цаана чинь заяаны хань чинь хүлээж байгаа гэдэгт итгээрэй.

Блогчдын жумбоорой (jamboree) ба хэдэн зургууд

http://after.blog.gogo.mn — Thu, 23 Jul 2009 11:54:00 ULAST

Блогчдын маань энэ зуны жумбоорой сайхан болсоон. Адал явдалтай хөгжилтэй л явлаа. Урд өмнө уулзаж байгаагүй шинэ блогчид ч цөөнгүй байлаа. За тэгээд хүмүүс ч бас мэр сэр бичсэнээс та бүхэн уншсан байлгүй би харин хэдэн зураг тайлбартай нь оруулаадхая.

За энэ эхний зурган дээр бид хэд хорхогоо идэж байна. Ёстой Зараагийн жор, Заяцийн сэтгэл орсон болоод ч тэр үү тун амттай хорхог болсоон. Тэгсэн би гэж нэг гэнэн цагаан амьтан далны яс авчиж. Тэгээд далыг далуулаа гээд хүмүүст хувааж өгсөөр байгаад өөртөө бараг юм үлдээгээгүй л дээ. зА тэрч яахуу дараагийн зургандаа ороё.

За манай ГөГө блогчид чинь айхтар хөзөрчидтэй юм шиг байгаан. Үлэмж Дэпсү 2 бол энэ тал дээрээ бүүр айхтар гэж байгаа.

Заа тээр тэнд модны сүүдэр доор охидын шивнээ явагдаж байгаа бололтой. Айхтариз. Харин энэ улаан кээт нь Залуу маркетер блогчных. Яагаав нөгөө маркетер нодлингийн зугаалгын бичлэг дээр бас бус түүх нь байгаа. Уншаагүй нь ЭНД дарж уншаарай хэхэ.

За одоо ёстой гоё хэсэг нь. Хөлбөмбөгөө гэж. Манай хэд аймар ЖиТулга, Жижиг Эрка, Цуки эднүүс бол энэ тал дээр айхтариз. Гэхдээ манай баг бараг мэргэжлийн шахуу гаруудтай тоглосон гэхэд нэгхэн бөмбөгийн зайтай л хожигдсон. Дрийм, Доктор 2 ч бас манай талын одууд нь.

За залуус орой цүү хаяхуу, яахуу ийхүү гээл санаа оноогоо хуваалцаж байгаа нь. Тэгээд учираа олж ядан байтал Оршихоо (Хоосон чанар) блогчны зааж өгсөн тоглоомоор сайхан тоглосоон. хэхэ. Өгзөг, өвдөг, 2 гар, 3 хөл гээл....

Аа энэ бол атом молекул ингэдэг тоглоом. Хүмүүс далимдуулаад сайхан тэврэлдээл байлээ хихи. Заза тоглосы. Би уг нь нэгэнд түрүүлсышд.

Оройн паари эхлэх гэжийнэ. Нээрээ зарим блогчид нь аймар чийрэг байгааз. Нүцгэн нтр.

Шөнийн галын наадам. Транс ая явж нтр. Оршихоо, Ицми гоцолж бидүүс дагаж бүжэглэж нтр. Айхтариз энэ лаг бүжэглэдэгүүд нь. Шөнө авсан болхоор нэх сайн харагдахгүй байна. Тэр гараа өргөцөн нь бодуул би л юм шиг байна

Заза тэгээд зугаалга сайхан болсоон. Шөнө хэсэг Казакууд ирж манай Докторыг яасан гэлээ. хихи.

Өглөө юмаа алдсан ч гэсэн цоглог байсы шүү харин ч нэг. Дөчийн бидоноор нэг будаатай шөл хийж идээл. За төгсгөлд нь уламжлал ёсоор талархалаа хэлийдаа. Шөнө дээлээ өгсөн Цукидаа, Хөнжилөөрөө тусалсан Эркад, майхан нэгтэй хамууд Жи, Давкадаа, Бидоон, хивс, майханаа өгсөн Ороок цэцэгчиндээ, Казакуудыг аргалаад явуулсан Доктортоо, ажилсаг Дриймдээ, машин аппаратаараа нийтэд нь тусалсан Зараа, Остоор, Маркетер, Доогий, Янзага эднүүстэй. өглөөний сайхан хоолыг гардсан гал тогооны тэргүүн ахайтандаа, миний гуталыг чипс, самраар дүүргэсэн Треза эхдээ, шөнөөр гол гаргаж хүн зөөсөн Хэрлэндээ, үзэл бодлоо хуваалцан мэтгэлцсэн Орших, Мэп, шөнөжин гал манасан Хасартаа, бусад хүмүүстээ гэх мэт үргэлжлээд яваад байвуул яваад л байх шинжтэй. За тэгээд нийт зугаалганд оролцсон бүх хүмүүстээ баярлалаа.

Аан нээрээ Жумбоорой гэдэг үгийн утга нь юу вэ гэвэл Скаутын чуулга уулзалтыг Жэмбори гэдэг юм чинь блогчдынхыг Жумбоорой гэж нэрлэж яагаад болохгүй гэж :P

Ийш тийшээгээ үсчсэн бичлэг

http://after.blog.gogo.mn — Wed, 22 Jul 2009 14:55:16 ULAST

Орсон бороо арилж, ирсэн гийчин буцнаа гэж. Тэнгэр онгойгоод гадаа яасан ч сайхан юм. Өглөө эрт бүүр гоё байлаа. Нээрээ өглөө гэснээс би ойрд өглөө эрт босож гүйж байгаа хэхэ. Хөдөлгөөншт. Эрүүл мэндээ гэж мөнгөөр хэмжигдэшгүй зүйл шүү дээ. Өвчингүй бол жаргал гэдэг ч бас үнэн л үг. Зарим нэг зовлон үзээгүй, омголон гарууд нь аягүй бол энэ үгийг ойлгохгүй биз. Миний хувьд эрүүл мэнд маш чухал. Харин би өөрөө л эрүүл мэндээ бол ёстой алжийнаа. Янз бүрийн шарсан хуурсан хоол, архи тамхи гээл. 5 цул ганц ходоодоо бараг сүйдлэх шахжийна. Ядын байгаан. Рашаан уугаад, өглөө бүр гүйгээд, өөх тос бага идээд, шоудахаа болиод амьдарна гэдэг ч бас хэцүү. Нэх гэгээрцэн юм шиг санагдаад.

За ямартай ч гэсэн 100 хувь биш юмаа гэхэд 70 хувь дагаж мөрдөнөө. Үлдсэн 30 хувьд шоудана гэвүүл яажына хаха. За тэрч яахуу. Ойрд бороошоод нээрээ УБ-ийн хэдлэн зам нь хэмхэрээд дуусах шинжтэй. Бас хэдэн салганасан гүүр ч ялгаагүй. Гадаад шиг их бороо ордог газар байхын бол бид нар Венецийнхэн шиг завиар ажил албаа амжуулах байсан байх даа.
Замын хажуугаар ус зайлуулах нүх мүх ерөөсөө хийгээгүйм шиг байгаан. Одоо өнгөрсөн борооны хойноос эвдэрсэн замаа баахан нөхөж, татвар төлөчдийн мөнгийг л цацах биздээ. Татвар гэснээс татварын тайлан тооцоо гайгүйхэн шиг хийчдэг хүн байна уу. Тэгвэл дараа туслалцаа авы шүү. Өчигдөр 2-р улирлын тайлангаа өгөхөө мартаад хоцорчихсон. Одоо өнгөрсөөн хэхэ. Торгууль моргууль гэж байдаг билүү. Юу билээ. Балайен.
Ойрд нээрээ ГөГө блогын админ ажил ихтэй бужигнаал, би хажуугаар нь блог загваруудаа янзалж бас бужигнаал. Нээрээ бөөн юм болжийнаа. Хэхэ яджаахад би ямарч олон блогтойн. За ямар ч гсн Шүлгэн бороо, Борооны дараа 2-оо янзалчихлаа. Маргаашнаас бусдыгаа янзалхаас хэхэ.

Ичиж амьдараач (өглөөний бичлэгийн бонус нь)

http://after.blog.gogo.mn — Fri, 17 Jul 2009 17:06:15 ULAST

Авилгал авдаг байж авилгалтай тэмцэгчид, арын хаалгаар өдий зэрэгт хүрэгчид, дүр эсгэгчид, харийн нутагт эх орныхоо нэрийг баастагчид, залхуу хирнээ атаархагчдад, хужаа нарт дургүй үзэн яддаг гэчихээд хужаагийн барааг худалдан авч хөрөнгө оруулдаг гаруудад, ямар ч зорилго тэмүүлэлгүй байж залуу хүний нэрийг зүүгчид, дөрвөн хананы дунд дөрвөн жил дулаахан хадгалагдчихаад дээд сургууль төгсчихлөө гэж дэмий сайрхагчид, гоожуур байсан байж лаг байсан юм шиг худлаа шаагчид, мөнгөгүй хирнээ мөнгө хэрхэн олох вэ гэж ном бичигсэд, нэг ширхэг юм гараас гаргаж үзээгүй байж хийж байгаа нэгэнээ муулагчид, ялих шалихгүй зүйл дээр хэл амаа билүүдэгч, араар муулагч, хүний бичсэн шүлэг хулгайлчаад дээр нь нэрээ биччихдэг олиггүй амьсгаа та нарт би ганц л юм хэлнэ. Ичиж амьдар !!!

Хорвоо дэлхий уужим, тэнэгүүд ч бас олон юмаа

http://after.blog.gogo.mn — Fri, 17 Jul 2009 10:22:17 ULAST

Эх болсон дэлхий маань 6 тэрбум хүнтэй. Гэхдээ 6 –гаан хүн тутмын 1 нь хятад, мөн 1 нь энэтхэг хүн байдаг гэнэ. Хятад хүний толгой дээр нар жаргахгүй, Энэтхэг хүний хөлөн доор өвс ургахгүй гэдэг л үнэн болоод байх шиг байна даа. Одоо яадаг юм байгаан. Хэн мэдхэв дээ ирээдүйд юу ч болоо билээ. Газар хөдөлж, галав юүлж дэлхий нэг шилгээхэд юун 6 тэрбум хүн манатай ч болох юм билүү. Заза түй түй муу ёр. Угаасаа миний бичих гэж байгаа сэдэв ч энэ биш. Ингээд орхие. Харин 6 хүн тутмын хэд нь тэнэг байдаг бол? Уулын мод урттай богинотой шиг энэ олон хүн дунд янз бүрийн хүмүүс байдаг л байхдаа.

Гэхдээ тэнэг гэдэг ойлголт маань өөрөө тун их харьцангуй ойлголт бололтой. Миний тэнэг гэж бодож байгаа хүн харин ч өөрийгөө ухаантай гэж бодоод зогсохгүй аягүй бол намайг ч тэнэг гэж боддог байхыг үгүйсгэхгүй. Магадгүй зарим хүмүүс дургүй хүнээ ч тэнэг гэж боддог байх талтай. Үнэндээ энэ 2 чинь шаал өөр зүйлс шүү дээ гэдгийг ойлгодог нь бол харин цөөн гэж байгаа.

Хорвоогийн тэнэгүүд өөр өөрийгөө мэдэхгүй. Нэг нэгнийхээ тэнэгийг гайхаал. Амьдрал үргэлжлээл, цаг хугацаа урсаад л. Дэлхий эргэдгээрээ эргээл. Дэлхий маань даанч дэндүү өгөөмөр болхоор энэ хүмүүсийг ухаантай эсвэл тэнэг гэж ялгахгүй бүгдийг нь ав адилхан тээсээр. Харин тэнэгүүд өөрсдийгөө болоод байна гэж бодоол. Тэнэгтээл. Улам л тэнэгтээл. Бүүр улаан цагаан олон түмний нүдэн дээр тэнэгтээл. Дараа дараагийнхаа тэнэглэл бүрийг хөгжүүлж баяжуулаад л... ай хөөрхий хорвоо дэлхий минь юу л болоод байна даа.

Болохгүй бүхний хажуугаар нүдээ аниад явах нэг хэцүү. Болж байна бүтэж байна гээд худлаа ярих нэг хэцүү. Болохгүй байгааг нь хэлээд дайсныхаа тоог нэмэх нэг хэцүү. Яадаг юм билээ. Нөгөө сохрын газар сохор, доголонгийн газар доголон гэдэг шиг л байх нь нэг бодлын амар ч юм шиг. Ганц л амьдарч үхнэ. Үхсэн яадаг юм гэж бодох нэг өөр, хийх нэг өөр. Ингээл бодож байх хооронд ч бас тэнэгүүд тэнэгтсээр...

Нээрээ өөрийгөө тэнэг хүн мөн үү гэдгийг мэдэх хялбархаан арга байдаг гэнэм. Тэр нь хэрвээ та өөрийгөө шүүмжилдэг, зарим тохиолдолд, зарим зүйл дээр өөрөөсөө ичдэг бол ямар ч байсан ухаантай биш юмаа гэхэд тэнэг биш гэсэн үг гэнээ. Тэнэг байлаа байлаа гэхэд ядаж л гайгүй тэнэг нь гэнээ хэхэ.

Нөгөөг битгий үгүйсгэ

http://after.blog.gogo.mn — Tue, 7 Jul 2009 11:10:22 ULAST

Үгүйсгэнэ гэдэг сэтгэлгээний хамгийн бүдүүлэг хандлага юм. Социалист нийгэмд л бид үгүйсгэх, буруутгах гэж яг юу байдгийг хангалттай амссан. Өнгөрсөн түүхээ, уламжлал зан заншилаа, шашин шүтлэгээ гээл бүхнийг үгүйсгэж байсан биз дээ. Тэглээ юу олж долоов. Нар байсаар байтал нар байхгүй гэж маргахтай адил утгагүй зүйл шүү дээ. Орчин цагийн шинжлэх ухаан ч тэр, ардчилсан нийгэм ч тэр аливаад олон талаас нь хандаж, зөв бурууг шүүн хэлэлцэх тийм зарчимд тулгуурлан аливаа асуудалд ханддаг болсон. Тэр нь ч зөв биз. Зуун хувь төгс зүйл гэж байдаггүй болхоор, бүх зүйл өөрөө харьцангуй оршдог болхоор, бүх үйлдэл процесс харьцангуй үргэлжилдэг болхоор аливаад 100 хувь шийдэл гэж байхгүй. Өнөөдрийн зөв, маргаашын буруу ч болж болно. Тийм болхоор юмыг үгүйсгэхээсээ өмнө сайн бод... дахиад сайн бод. Дараа нь ярих, хэлэх, бичих эсэх нь таны дур...

Нэг зүйлийг баримталдаг байж болноо. Гэхдээ нөгөө зүйлийг баримталдаг хүмүүсийг хүндэл. Хүндэлнэ гэдэг хүлээн зөвшөөрнө гэсэн үг биш. Аа харин таныг хэр зэрэг ухаантай, хэр зэрэг иргэншсэн хүн бэ гэдгийг чинь харуулж байгаа юм. Нэг ёсондоо эхлээд иргэншчих... дараа нь... гэсэн үг юм шүү дээ.

Дууны тухай хэдэн үг бла бла...

http://after.blog.gogo.mn — Thu, 2 Jul 2009 11:16:32 ULAST

Бороо миний бие хэдэн жилийн өмнө хилийн чанадад хэсэг байсан юм л даа. Эх нутгаасаа хол байна гэдэг ямар олиг байхав. Гэр орон, найз нөхдөө гээл үгүйлэн санах юм их. Тэр үед орой цаг зав гарвал нутгийн дуу сонсонгоо тамхи баагиулж хэвтдэг байлаа. Нэг ёсондоо тэр нь бол аягүй том жаргал байлаа шүү дээ. Тэгээл тухайн үед хит олж байсан камертон өөр бас бус хамтлаг дуучдын дуу сонсоноо бас. Гэхдээ тэр дуунуудыг сонсохоор Монголд сонсож байсан шиг чихэнд наалдаж, сэтгэлд хүрдэггүй нээх сонион. Тэгсэн мөртлөө Монголд байхдаа нэг их сонсоод байдаггүй байсан Чингис хааны Жагаагийн дуунууд, Харанга, Хурдын дуунууд болхоор үнэн лайтай. Цаанаа нэг мөлжүүртэй гэдэг шиг... үг нтр нь яасан гоёын. Ая нь, дуулж байгаа нь гээл магтаал байвал магтаал баймаар. Дууных нь утга агуулга нь эх нутаг, амраг хань, анд нөхдөө үгүйлэн санасан тухай болоод ч тэр үү. Яг юундаа байдын бүү мэд. Нэг л гоё дагаал хоолой мэдэн орилж өгмөөр санагдадын.

Нээрээ бас тэр зохиолын бид дууг ад үзээл байдагшдээ. Гэхдээ тэр дуунуудыг ч хөдөө аян замд машин дотроо сонсоол явахад бас л сайхан байдаг юм билээ. Хамгийн гол нь дууг сонсох орчин гэж бас нэг юм байх шиг байгаан. Хөдөөний хүүхдүүд тэр зохиолын дуундаа дуртай байдаг нь аргачгүй биз. Ямар хонины бэлчээр дээрээ А саундын дуулаад явжийлтай нь биш дээ.

За даа тэгээд зарим хүмүүс аймар туйлширдын. Өөрөө ямар нэг урсгалын дуу сонсдог бол бусдыг нь муулаал. Ялангуяа рок, хип хоп хоёр нээх таарамж муутай байдын. Миний хувьд хоёуланг сонсоно. Яадын гоё сонсогдоод тэр нь таалагдаж байвал ямар хамаатайн. Тэр битгий хэл Линкин парк гээл рок дуулдаг мөртлөө дотроо Майк Шинадо гээл рэпэртэй хамтлаг байж л байнашд тэ. Яахуудээ хүн хүн үзэл бодол өөр л байдаг байх. Минийх бол нэг иймэрхүү.

Энэ чинь ариун явдал уу...

http://after.blog.gogo.mn — Wed, 1 Jul 2009 17:04:20 ULAST

Нийгэмд маш олон төрлийн хэм хэмжээнүүд байдаг. Үүнд:
-   Зан заншлын
-   Улс төрийн
-   Эдийн засгийн
-   Ёс суртахууны
-   Шашны
-   Гоо зүйн
-   Эрхзүйн хэмжээнүүдийг оруулж үзэж болно.

Аливаа үйлдэл, үйл ажиллагааг хийхэд дагаж баримтлан, мөрддөг зан үйлийн дэг журмыг хэм хэмжээ гэдэг. Гэтэл өнөөдрийн нийгэмд эдгээр хэм хэмжээнүүд заримдаа, заримдаа ч гэлтгүй бүр байнга гажуудаад байх шиг. Жишээ нь амлалтаар сонгогдоод, үзэн ядалтаар үдэгддэг улс төрчид, иргэдээ хулхидаж валютаараа ченж хийдэг банкууд, эх орноо уландаа гишгэж өөрсдийн өвөр түрийгээ түнтийлгэгч бизнесмэнүүд, төлбөрийн тариф тогтоон ном уншдаг сүм, хийдүүд, матар мэлхийн замаас ирэгчдийн миссийн тэмцээн, хүссэн үедээ өөртөө ашигтайгаар засчихаж болдог хуулийн заалтууд. Энэ бүхэн яг юуных вэ? Хаана байна өнөө хэм хэмжээнүүд чинь? !!!

Мод тарих нь хэдий чухал ч, модоо ургуулах нь илүү чухал !!!

http://after.blog.gogo.mn — Tue, 23 Jun 2009 16:32:52 ULAST

Модыг хэнч тарьж чадна. Харин ургуулж сурах хэрэгтэй гэдгийг тэр болгон хүмүүс анзаардаггүй юм шигээ. Сүүлийн хэдэн жил хэрэгтэй хэрэггүй хичнээн ч мод тарив. Харин өнөөдөр тэр тарьсан моднуудын ургасан нь хаана байна.

Нөгөө социализмийн үеийн атрыг эзэмших аян санаанд орчихлоо. Хэн их газар хагалсанд нь хөдөлмөрийн баатар өгдөг мөртлөө тэр хагалсан газар нь юм ургана уу байна уу нэг их сонин биш байсан тэр үеийнхээс ялгаа алгаа. Одоо ч гэсэн сайд дарга нар зурагтаар бол нэг их сүрхий хүмүүс хүрз барьж, нүүрэндээ гэнэн инээмсэглэл тодруулаал. Мод тарьж байгаа нэрээр шоу хийгээл. Тав хоногийн насгүй тавь жаран мянган суулгац суулгаал. Нүглийн нүдийг гурилаар хуурна гэдэг билүү дээ тэрэн шиг санагдчихлаа.

Харамсалтай нь төсөл гэж түмний мөнгийг үрэх шалгарсан аргаар түрүүвчээ түнтийлгэгчид хаа сайгүй. Харин бидний хүсэж хүлээсэн үр дүн мянгуужингийн үлгэртэй цуг мань мэтийнхээ зүүдэнд л биелсээр...
Ургаагүй модны бурууг уур амьсгал, хөрс шорооруугаа чихсээр. Даргад буруу байхгүй. Дахиад бид алдахгүй ч гэх шиг. Шалтаг ... шалтаг... бас дахиад л шалтаг.

Чухалдсан царайтай хэдэн хүмүүсийн яриагаар бол бид аль хэдийн хөгжиж, дэвшээд сансарт оччихмоор, гэвч бодит байдал дээр цухалдсан амьдралтай Улаанбаатарчууд маань бахь байдгаараа, утаан дундаа угаартаал, шороон дундаа шомбойгоол сууж байна даа.

Санамсаргүй хийлтүүд

http://after.blog.gogo.mn — Fri, 19 Jun 2009 10:26:25 ULAST

Манай нэг найз байдаг юм. Их хүн сайтай, хүүхдэд хайртай гэж жигтэйхэн. Гэм нь жаахан намхан л даа. Тэгээд тэр бид 2 цагаан сараар нэг найзындаа очвоо. Идэж уугаал гарах болсон чинь тэдний 3 настай жаахан хүүхэд нь бид хоёрт бэлэг авчирч өгч байна. Тэгснээ манай тэр намхан найзад бэлэг өгөхдөө тэнд байсан бүх хүмүүсийг сонсмоор чанга дуугаар “-Өндөөр болоорой” гэж ирээл бэлэг өгдиймдаа. Бараг 30 нас хүрчихээд цаашаагаа ямарч өсөж, өндөрсөх найраагүй болсон хүнийг чинь аймар хийжаагаа байхгүй. Нөгөөх нь бантсандаа бэлэг өгсөн хүүхдийг “-чи ч бас өндөр болоорой” гээд байгаамаа хаха.

Бас нэг үйл явдал. Манай хамаатны нэг хөгшин байдгийн. Одоо 75 настай. Тэгээл мань өвөө манай байрны гадаа нарлаал суужийсан чинь өөр нэг өвөө ирээл хажууд нь суудгийн. Тэгэнгүүт манай өвөө амьхандаа яриа өдөх гээл. Чихэнд нь бараг амаа наах шахжаагаал дүлий хүнтэй ярьж буй стилээр “- Таны бие тэнхээ данги уу, та нас сүүдэр хэд зооглож байна даа” гээл асуусан чинь нөгөөх нь өөдөөс нь ”75” гэж наадымдаа. Манай өвөө бол нөгөө өвөөг хөгшин харагдаж байгаагаар нь аймар хийжаагаа байхгүй. Тэхдээ өвөө дараа нь хүн эвгүй байдалд оруулснаа мэдэнгүүтээ өөрийнхөө насыг бас дараад байгаамаа хаха.

Өөр нэг үйл явдал. Анх эхнэр маань манай эмээтэй танилцдагийн. Тэр үед нь эмээ ядраад бие тааруу, хэвтжийсэн юмдаг. Тэгсэн манай эхнэр бас л нөгөө дүлий хөгшин хүнтэй ярьж буй стилээр “- сайн байна уу эмээ, би танай бэр байна аа” гээл чангаар аваад хаясан чинь эмээ хариуд нь яг адилхан аймар чангаар “- Сайн байна уу би нөхрийн чинь эмээ байнаа “ гээл яг дүлий хүнтэй ярьжаагаа стилээр өөдөөс нь ярьдымдаа. Эмээ бол цаагуураа бодлоготой. Өөрийг нь хөгшин хүн шиг харьцлаа гээд зөрүүлээд хийчэж байгаа байхгүй юу. Тэгэнгүүт манай эхнэр байдалд ороод явчжаан. Одоо бол тэр хоёр хоорондоо сүйд майд. Утасны нэгжийн жинхэнэ магнатууд гэхиймуу, мангасууд гэхиймуу. Хоорондоо хэдэн цагаар яриад суучина.

Заза санаанд орсон хэдэн самарсаргүй хийлтүүдийг бичлээ.

Буруугаа үүрэх сайхаан сайхан

http://after.blog.gogo.mn — Thu, 18 Jun 2009 11:52:16 ULAST

За та нар энэ Бороо ямар буруу хэрэг хийчээд бантаад юм бичээд байнаа гээд ороод ирэв үү. хэхэ. Уул шугамандаа бол үгүй юм. Зүгээр л эртээд хөдөө явчихаад буцаад хотруу орж ирж байсан чинь машины хөгжимөөр нэг дуу яваал байсын. Зохиолын дуу л даа. Тэр дууны бараг ихэнх үг нь “-буруугүй ээ хайр буруугүй ээ, буруугүй би буруугүй, чи буруугүй “ гээд ч байл уу энэ мэтээр үргэлжлээд л байдаг дуу байналээ. Тэгсэн миний хажууд сууж явсан нэг блоггэр бүсгүй гэнэт уурладын. “-Ямар тэнэг үгтэй дуу вэ. Өөрөөсөө бүхнийг холдуулсан арчаагүй үгтэй” нтр гээл. Тэгээд бодсон чинь нээрээ л тийм санагдаад. Тэгээл бичиж сууна. Буруугүй хүн гэж байдаггүй, гэхдээ хэн эцсийн эцэст хариуцлагаа хүлээж чадаж байна гэдгээр нь хүний мөн чанар бас бус зүйл танигддаг юм шигээ.

Би ч бас өөрөөсөө бурууг түлхэх дургүй. Үнэхээр би буруу зүйл хийсэн тэрнийхээ хариуцлагыг хүлээх л ёстой. Тэгэж байж л сая нэг дотор онгойж, сэтгэл уужирах бусуу. Буруугаа бусдад нааж, өөрийгөө цэвэрлэчихээд сэтгэл амар амгалан амьдарч чадах эсэх талаараа та бүхэн нэг бодоод үзээрэй.

Амьдрал алдаа оноо ээлжилсэн талбар дээр үргэлжилдэг, аа харин цаг хугацааны эргүүлэгт эхэлдэг бас төгсдөг. Буруугүй амьдрах нь сайн хэрэг боловч бусдад нялзаавал ямар олиг байхвээ дээ. Тийм үү.

Хүнийг гомдоочихсон бол буцаагаад уучлал гуйчихдаг байх хэрэгтэй, хэрвээ чи алдаа гаргадаг бол дараа нь засдаг байх хэрэгтэй, хэрвээ буруу зүйл хийсэн бол ядаж тэрийгээ ухаардаг байх хэрэгтэй.

Хэний ч биш өөрийнхөө бурууг үүрээд хэсэгхэн зовлон амсах ч бас заримдаа жаргал байдаг тийм үү.

Эсрэгээрээ...

http://after.blog.gogo.mn — Tue, 26 May 2009 15:12:39 ULAST

Дүрсгүй жаал – Дүрстэй жаал

Сайн дурын ажилтан – Муу дурын ажилтан

Боловсон хүчин – Бүдүүлэг хүчин

Хөгжилтэй зан – Хөгжилгүй зан

Илэн далангүй – илэн далантай

Цээж зураг – Бөгс зураг

Хартай залуу – Цагаантай залуу

Их зантай- бага зантай

Бууны ноход ба утсан хүүхэлдэйнүүд

http://after.blog.gogo.mn — Wed, 20 May 2009 11:31:17 ULAST

Бууны ноход
Албан тушаал, арав таван цаас горьдож хэн нэгнийг эзнээ хэмээн өргөмжилж, түүнийгээ даган далдайж, өмнөөс нь өрвөлзөж, араас нь арвалзсан нөхдүүдийг “бууны ноход” гэсэн ангилалд хамруулж үзэж болно. Тэд өөрсдийн эзнийхээ төлөө юу ч хийхээс буцахгүй бөгөөд энэ үйлдэлдээ тэд хэнийг ч золиослож магадгүй. Гаднаас нь харахад ихэнхдээ костьюм пиджак, зангиа зүүж үсээ гельдсэн амьхандаа цагаан захтан гэдгээ тодорхойлхыг оролддог боловч үнэндээ дотоод сэтгэл нь өөрийнхөө төлөө гэсэн өчүүхэн бодолдоо баригдсан тийм л арчаагүй амьтад. Ихэнхдээ бууны ноход сонгуулийн үеэр тодрон гардаг. Сүүлийн үеийн шилдэг “бууны ноход”-ыг нигер Цогоо, малыш Энхтүвшин, хуульч Энхээ, сагсны Шаравжамц, номинталстын Хаянаа нараар төлөөлүүлэн ойлгож болно. Тэд бараг нийгмийн бүх салбарт л байдаг. Бууны ноход цаашдаа өргөжин тэлж байгааг “Number 1” хэмээх гөлөгсийн цуглаанаас харж болох юм.

Утсан хүүхэлдэй
Энэ бүлэгт маш том айдастай яваа хүмүүс ордог бөгөөд тэд айдасаа аргалж өгч чадах хэн нэгний удирдлагаар юу ч хамаагүй хийдгээрээ нийгэмд байдаг бусад адгийн фракциудаасаа ялгардаг. Жишээ татъя л даа. Шоронгоос айгчид буюу Хүрэлсүх тэргүүтэй утсан хүүхэлдэйнүүд. Цаашаагаа Буян Жагаа, Иргэдийн Шудрага шүүхийн тэргүүн Бат-Ялалт гэх мэт. Утсан хүүхэлдэйнд тархи гэж байхгүй тэд эзний гарын аясаар хөдөлдөг, сэтгэдэг. Учир нь тэд их айдастай яваа. Тэд яаж шоронд орж болдогийг амссан, мэдэрсэн. Харин энэ бүх зовлонгоос нь тэднийг удирддаг эзэн л гагцхүү аварч чадна. Арга ч үгүй биз. Тэдний сүүлчийн боломж бол сайн утсан хүүхэлдэй байх юм чинь.

Гадаад хэлээр дуулдаг байж билээ...

http://after.blog.gogo.mn — Tue, 12 May 2009 11:36:58 ULAST

UBS TV-ээр Universe Best Songs хэмээх тун давгүй хөөрхөн шоу орой бүр гарах юм. Нэг мэдсэн чинь тэр шоуг үзсээр байгаад дуртай болчихож. Тэр шоунд оролцож байгаа хүмүүс нь яасан ч мундаг дуулдагийн, ямар ч сүрхий гадаад хэлтэйн. Нэг үеэ бодвол Монголчууд маань чөлөөтэй, нээлттэй харьцангуй дэвшилттэй болсон бололтой. Мэдээж үүнд интернэт, олон ТВ, гадны сувгуудын нөлөө ч их биз. Ер нь бол “ардчиллын буян” гэж хэлэхэд ч бараг буруудахгүй биз ээ.

Тэгээд бодлоо л доо. Бага байхдаа бид нар гадаад дууг дуулах гэж ёстой балладаг байж дээ. За яахав Орос соёлын нөлөөгөөр орос дууг бол дуулчихаж байгаа юм. Харин англи болон өөр орны дуу болоод ирэнгүүт нь л ямар ч үгийг нь мэдэхгүй мөртлөө сонсголоороо дуулаал хаяна.

Америк, африкийн дуучдын хамтаран дуулсан нэг дуу байдагдаа. “-We are the World, we are the children” гээл дуулдаг. Тэр дууг “-Би яасын бэ, би яагаачгүй ш дээ” гэж ирээл ичихчгүй дуулаал зогсож байдаг байлаа. Бас тухайн үедээ л их хит болж байсан Modern Talking хамтлагийн нэг дууг яаж дуулдаг байсан гээч “-Ямаа хо, ямаа соо” гээл. Сүүлд эргээд сонссон чинь тэр дууны жинхэнэ үг нь “-you my heart, you my soul” гэж байх жишээтэй. Буруу сонсоно сонсоно гэхэд бас л хэцүү сонсож байгаа биз.

Германы хуучны нэг хамтлагийн Чингис хаан гэж дууг бол бүүр тэр чигээр нь өөрчлөөд сонсголоороо дуулчихаж байгаам. ”- Чингис, Чингис, Чингис хаан хээр очоод, цамцаа тайлаад, зуу татаад, боовоо маажаад” гэж ирээл дуулна. Мэддэг нэг нь нээх сүрхий юм сурчихсан юм шиг мэддэггүй нэгэндээ зааж өгөөл. Эргээд бодохнээ ичмээр ч гэмээр, хөгжилтэй ч гэмээр санагддаг юм. Миний ярьж байгаа энэ бүх үйл явдал бол наяад оны сүүл үе л дээ. Зарим нэг нь сайн мэдэхгүй байж магадгүй л юм..За яахав цааш нь үргэлжлүүлэе.

Италийн Сан Ремо гээл нэх сүрхий фестиваль (концерт ч юм уу) болдог байсныг зарим нэг нь санаж байгаа байх. Ээж, аав л их үзэх дуртай байсан юмдаг. Тэрэн дээр нэг эхнэр нөхөр дуучин дуэтлэж дуулаал. Нөгөө хоёр чинь бие биенлүүгээ аягүй гоёоор харж байгаад “Бээлий шатлаа, чиний миний, том жижиг бээлий шатлаа” гэж ирээл дуулна. Анхандаа гайхдаг байснаа нуух юун. Сүүлд нь аан энэ чинь Итали хэлээр бол шаал өөр утгатай юм байнаа гэдгийг мэдсэн юм даа.

За арай сүүлхэн үеийн жишээ. 90-ээд оны эхээр Монголд “Ламбада” гэдэг нэг дуу тун сүрхий хит боловоо. Том жижиггүй л аяыг нь амандаа аялаал, харин маниусын үеийнхэн бол тэрийг чинь ингэж дуулж байгаам “- ээ Ламбада, Баярсайхан мээмээ унжуулөөд” гэж ирээл нэх сүрхий уянгалуулаад л дуулна даа. Хальт харахад бол нэх сүрхий гадаадаар дуулж байгаа хүн шиг л харагддаг байсан биз. Ер нь л бол иймэрхүү жишээнүүд цаашаагаа үргэлжлүүл үргэлжлэх шинжтэй. Угаасаа миний болон надаас дээхэн үеийнхэн бол сайн мэдэж байгаадаа эд нарыг. Тийм учираас ингэсгээд дуусгая. За тэгээд үг олдож, үхэр мал холдов. Нөхөд түр баяртай.